إنتَ عليك الفكرة، والباقي علينا.

مواقع، تطبيقات ومحتوى لمحلّك. وبتشوف النموذج قبل ما تدفع.

زبونك بسأل نفس الأسئلة كل يوم.

والموقع بجاوب عنها مرّة وحدة، بأي ساعة. وإنت بتضلّ بشغلك.

ثلاث أشياء بنعملها لمحلّك.

من أوّل رسالة، لأونلاين.

  1. بتبعتلنا

    طلب من هون، أو رسالة عالإنستغرام. اسم محلّك بكفّي لنبلّش.

  2. بنحكي

    بنفهم شغلك وزباينك، وبنوخذ اللي عندك: لوجو، صور، أو حسابك عالإنستغرام.

  3. بنبني النموذج

    من الصفر، لمحلّك إنت. مش قالب بنغيّر فيه الاسم.

  4. بتشوفه وبتعلّق

    بتفتحه برابط إلك عالتلفون، وبتكتبلنا شو بدّك نغيّر.

  5. أونلاين

    عجبك؟ بنطلّعه عالرابط تبعك*، وبنضلّ معك بعدها.

* موقعك بيكون على محلّك.funoon.digital. بدّك رابط باسمك، زي محلّك.com؟ ممكن، وهاد بحساب إضافي.

بتشوف قبل ما تدفع.

  • النموذج الأوّل علينا

    بنبنيلك أوّل نسخة، وما بتدفع ولا شيكل قبل ما تشوفها.

  • معمول لمحلّك إنت

    بألوانك وبأسلوبك. كل محل بياخد موقع ما بيشبه غيره.

  • وإحنا بنضلّ معك

    استضافة، صيانة وتعديلات. إنت بتضلّ بشغلك.

اطلب نموذج لموقعك.

دقيقة وحدة. بنشوف طلبك وبنرجعلك إحنا.

بهمّك كمان إشي ثاني؟ مش لازم

بنستعمل معلوماتك بس عشان نتواصل معك.

أسئلة بتنسأل قبل ما نبلّش.

لازم أدفع قبل ما أشوف إشي؟

لأ. النموذج الأوّل علينا، وبتشوفه قبل ما تدفع ولا شيكل. بعدها إنت بتقرّر.

قدّيش بكلّف؟

بيعتمد على شو بدّك. بعد ما تشوف النموذج بنحكي بالسعر، وإنت بتقرّر إذا بنكمّل.

النموذج لشو بالزبط؟

للمواقع. التطبيق والمحتوى ما إلهم نموذج جاهز: بنحكي معك أوّل، بنفهم شو بدّك، وبنورجيك أمثلة.

كل اللي بطلب بياخد نموذج؟

بنشوف كل طلب وبنرجعلك. بنشتغل مع عدد محدود من المحلات بنفس الوقت، عشان كل واحد ياخد حقّه.

عندي إنستغرام، ليش بدّي موقع؟

لأنه زبونك بسأل نفس الأسئلة كل يوم: قدّيش، وين، وفاتحين اليوم؟ الموقع بجاوب مرّة وحدة، وبيفتح من البايو تبعك.

شو لازم أجهّز؟

ولا إشي عشان تطلب. بعدها بنحكي معك وبنوخذ اللي عندك: لوجو، صور، أو حتى حسابك عالإنستغرام بكفّي لنبلّش.

وينتا بيكون جاهز؟

بيعتمد على شو بدّك وعلى قدّيش موادّك جاهزة. من أوّل ما نحكي بنقول لك وقت واضح، وبنلتزم فيه.

الموقع بالعربي بس؟

عربي وعبري.

مين بنشر المحتوى؟

إنت. إحنا بنجهّز كل قطعة مع الكابشن، وإنت بتكبس نشر من حسابك.

التطبيق بنزل باسم مين؟

باسم محلّك، على App Store و Google Play. حساب Apple بيكون إلك، وإحنا بنعمل الباقي.

بدّي إشي خاص، مش موقع عادي؟

احكيلنا. حجوزات، دفع أونلاين، لوحة تحكم أو فكرة خاصّة: اكتبها بالطلب وبنشوف كيف بنعملها.

احكيلنا الفكرة، والباقي علينا.

اطلب نموذج، أو ابعتلنا رسالة عالإنستغرام.

اطلب نموذج